Plantun de Prouvènço

Pèr coumpara dos planto d'encò nostre

Typha domingensis & Vicia dasycarpa

Paviho-rousso

Typha domingensis

Typhaceae

Àutri noum : Fielouso, Filouso, Masseto, Cire, Sagno.

Nom en français : Massette australe.

Descripcioun :
Coume tóuti li Typha, la paviho-rousso se recounèis à sis espigo femello e masclo. N'i'a cinq meno de Typha ; aquelo se destrìo, de segur de la coulour de l'espigo femello, rousso, mai peréu de si fueio pas trop largo e en mié-ciéucle en coupo, e tambèn de la loungour de separacioun entre li dos espigo (2 cm). Li fueio an d' auriheto gaire redouno au contro de T. angustifolia (vèire lou dessin).

Usanço :
Li fueio de paviho podon èstre utilisado pèr lou sagnage di cadiero e li flour pèr rempli li matalas. Se saup mens que li brout soun manjadis coume d'espargo. Se pòu faire de farino emé li racino e uno meno de pan emé l'agriero.

Port : Grando erbo
Taio : 1 à 2 m
Fueio : costo paralèlo
Tipe bioulougico : Eloufite
Cicle bioulougico : Planto renadivo

Gènre : Typha
Famiho : Typhaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 29 à 31 cm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun

Liò : Palun - Roubino - Ribiero
Estànci : Termoumediterran à Mesoumediterran
Couroulougi : Subretroupicalo
Ref. sc. : Typha domingensis (Pers.) Steud., 1821

Vesso(-di-dóusso-peludo)

Vicia dasycarpa

Fabaceae Leguminosae

Nom en français : Vesce bigarrée.

Descripcioun :
La vesso-di-dóusso-peludo se destrìo dis àutri veso en grapo qu'a uno gibo de 0,5 mm à la baso dóu calice e lis alo mai longo que la careno. Aquelo subsp. fai de flour forço acoulourido e mai que lou nougaret. Mai èi subretout li péu sus lou pecou di flour e lou calice que fau regarda : eici n'i'a pas gaire e soun aplica. Coumpara emé lou nougaret mai afali.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 0,3 à 1(2) m
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Vicia
Famiho : Fabaceae
Famiho classico : Leguminosae

Ordre : Fabales

Coulour de la flour : Vióuleto
Petalo : irreguliero
Ø (o loungour) flour : 1,1 à 1,7 cm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Jun à avoust

Liò : Champ - Escoumbre e proche dis oustau - Camin - Ermas
Estànci : Termoumediterran à Mesoumediterran
Couroulougi : Mediterrano-Touranieno
Ref. sc. : Vicia dasycarpa Ten., 1829

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Typha domingensis & Vicia dasycarpa

ges

Coumpara Paviho-rousso emé uno autro planto

Coumpara Vesso(-di-dóusso-peludo) emé uno autro planto